Jii nagwidàdhat nakhwek’eejìt kat chan nits’oots’àt diinee’aa geenjit gootr’igwinah’ii gwik’ìt gatr’igwiniidhat. Jii gwik’ìighe’ t’at nakhwek’eejìt kat duulèh diinee’aa gwik’ìt guk’àgogwandaii guk’yìnji’gidijii yendoo jì’ geenjit. Gwank’òo tr’òonjik, diginlì’ hàh jidìi gogwahtsii gòo atr’adantł’oo gwik’ìighe’ gwik’ìt gogwàłtsàih.
Nagwidàdhat neekat zhìt jùhts’ants’àt akòo t’àgwidizhìk. Leii kat nakhwanankak gwà’àn gwàts’at gootat nàgìniinjìl – yee’ohts’aii ts’àt yi’eenìn Nunatsiavut gwits’àt.
Tadhaa Zrìi’ 2010 danh jidìi gogwałtsaii gòo tatr’agwą̀hnjik tthak łòo łachan tr’iheedilyaa. Gwank’òo tr’òonjik, ginjih poems k’ìt tr’agwàłtsaii, gwandak nihłinehch’ì’ gòo diginlì’ hàh jidìi gogwàłtsàii, yi’eenjì’ Sriitsoo kaiik’ìt danh gogwahdahchyaa Prince of Wales Northern Heritage Centre gwizhìt danh, April 4th danh gwijìidìtth’àk. K’eejìt kat chan juudìn goots’àt tr’igiinjik chan ezhìk goonoh’yaa geenjit diinjigidijii, gwàt duulèh ejìich’ii gogwahtsii ts’àt yendoo nagwidàdhat neekok gwijùutin ts’àt ihłogwinlì’ danh natr’agwahnah’yaa geenjit diinjigidijii.
April 4th, 2010 danh jidìi gogwidahcheii gòo ìitsii ganadhindaii kak jidìi gogwihèelyaa gwinoh’ii geenjit diinjigidijii, jii gwits’àt www.ipytimecapsule.com. Tth’aih jii geenjit gwitr’it gwiinchii gogwàłtsaii geenjit gavìidàndai’ nohthan jì’, email nohtsii, ipy.timecapsule@gmail.com.
IPY Canada Time Capsule Project gwinuh jì’ t’at jidìi tsèedhòh hàh gogwàłtsaii t’at K’adagwidaadhat nichii Canada eenjit aii gwàts’at goontł’àtr’ąhchùh.
A Poem by Cliff Tuyishime
Vành dai’ gwitak gwinyàanch’uu khànachiinda’aii danh gìsriinìi’aii kwaa gihk’anyaanjii. Eju’ łòo. Nahahłaa eenjit niyuughwàn kat oojaankat, gwàt too gwichih kwantł’yàa nihts’àt nagiilih kwaa ganagaandeh. Naiindyah gwizrih. Eju’ łòo. Nachiindik guuzhik nindee niin’aih kwaa. Nagwich’yàa zhìt naiintr’aii ts’àt nakaiitrih zhìt zhoh naiintł’it. -30 gòonlii gwat ahtr’aih hàh -40 gwik’it nàh gòonlih. Eju’ łòo. Gè’tr’oonahtan gwits’àt jùkwaa hee k’andik. Aditr’idinaa’ii zhìt nyàh gwiniink’oo k’ìt nigwideech’in kwaa geenjit adidinyaa’ii. Aii geh’an nintsih nihkhan e’jaanjii, 16 times akoo t’inidi’ii. Eju’ łòo. Ihdichih ge’tr’oonahtan danh jùkwaa hee gine’sriijaanaii. Ge’tr’oonahtan zheh gwizhìt recess nagwidaadhat. Eju’ łòo. Drin ndòo nyàa’aii eenjit iitsii daalaii. Zheh gwits’at niinzhuk gweedhaa geenjit adisrinyahjii. Jidii tthak ganaondeh sro’. Eju’ łòo. K’eejit vành ahtr’aih gwik’ìt gwiniint’aih kwaa, gwat nakaiitrih zhit tth’aih zhoh. Eju’ łòo. Nizheh gwits’at k’anandik. Vakak tr’oodii tshuu’ kak naiinzhii. 1000 time geenjit oodijaankat, jaa gwizhit gwiinch’in? Tth’aih nidii giinkhii gwik’it gwiinli’. Ezhii gwa’an t’ahiinch’yaa kwaa geenjit. Nizheh gòonlii geenjit. North gwizhìt gòonlii geenjit.
