Hila yuarmi Ukiuq Nallirturhami Ukiuq tartumi Havartauyuq inuhaat ihumaqiyauyut pitjariktumik aturluartahamik Canadami. Una havartauyuq inuhaanut ihumadjutiriyaat tutqirhilugu hivuniptingni iharutiyurhaq. Ukuat havaarinniartait makpiraaqmi piksanik adjikkuhiungniq alga nut humirliqaak havauyangbik tittirauyangnirlu. Tahapkuat inuhaat havartait inirhimmayut pilluarhimmayut tunihimmayut 2008mi 2009milu. Ukiuqtartumi inuhaat ilauyut Yukonmit Nunasiavutmitlu. Tahamna Ukiuq Nallirtuhami hivuniptingni havartauyuq Kunniartittinniartut iharutiluni April 2010mi. Pikaliurhimayunik unipkaanik havaanginniklu tauturtinniartut museummi April 4, 2010 Yellowknifemi Unihaat qaitquyauyut tauturumarumikkik havartatik qun’niartittiyumarumikluuniin havartillugit Havaangit angmaffaanniangmiyut 25ni ukiuni hivuniptingni. Inuit pulaartaartut qarittauyakkut pakiittaartuq March 2010mi uvani www.ipytimecapsule.com Humirliqaaq uuminga Kangirhiyumaruvit qartiauyakkut tittiqqirturluta ipy.timecapsule@gmail.com Una havaarhaq Ukiuq Nallirturhami Hivuniptingni Canadami Kavamarkunnit akirhaa pilluartauyuq.
Mur’ruuqtunga Nunaptingnun (Howling for Home)
Aput natiruvillaqiyuq nunami. Anuri iyiqqattaqtug puhittamni ingutaaqtittugu patiktiqqattarhugu. Nadlaartunga algamnun ir’raqhimmablunga. Ingutaartuqangittuq apkungmi. Kudliit takunnartut inuit tigummiartait. Ulapkiyumalirangama Kalgurvigilirpaktatka qaangiutillirangatta hilattimni. Atan’ngiqtungahuriyaat apkut. Unnurtillugu nipaittumik napaartut avalurtanga. Hinirtut upinggahamut tupaahirhimmaittumik. Ahiit hikinniq nuingmat napaaqtut qihirtuutait Kuhirtarviulirtut. Napaartut tuparhutik qaitqulirtaattigut. Tadja atanirpait Taigam naunaittut hinirtut. Anuri pitqiyauyuq tamainnin. Anuri qauyimmannartuq mihingnartuq pinahuartuq ihumamun. Ilaani Kiivartuq Kiinamnun uutirhugu. Kiinaga ahiit ilaani anirhaarvigiplunga mirhut quinarhaarhunga mirhut. Uvagut qin’nmiit pangalirangapta itikkavut tuqattartut nunami. Qiqumayumut. Qanivut nivin’ngaqattartut iyivut uitpiarhutik. Quviahurtugut anurip malingmatigut. Kihimi anuri ninnakkumiluuniin polimaituq iyivut pattukarniartut apunmik hikumiklu huli pangalinniartugut. Pangalirtugut igluqaqvingmun hamani. Qudliit apqutini takunnortut qunnmun aulayut qauyimannaittumuk. Unnurtillugu Fridaymi hanguyugut apqutini qin’ngavut naiyut coffeemik tobaccomiklu qiqautillugu Inuit Iningnigit inuhaatlu paaqpartavut. Audlarirhutik qauyimmarirhutik tamaita pitquhirhaq nakuuyuq ayurhangniqlu ihumaqiplugu. Iklartut nipiqqukittumik tuhangnartut qavahuutiqarhutik inuit ubluummat unuamilu qiayut tuhangnartut. Pitquhiit ingilraat ilihimmalirtait qauyimaplugulu nunartik. Nayuqattarhugit Kangirhipillurpaktugut qanurtut inuuhiat idjuhiat ingmagaat. Ihumaga idjuhia utirtittaa ublut atulirtunun tedja. Napaartut akun’ngani avaliittumik ittunga anurhaartillugu. Nallartillunga uumatiga mihigiyaga. Aippainaa iyiga uittugu tautungnahurittunga un’nuktillugu qulimni tatpaani akhaliattun ittun takunnartun uumatima tiklirtangnia malikhugu. Hunalikkiaq haffuma hakuringnia uvamnut uqartuq? Iyikka tamangnik uittumik makitirtunga. Mikhiyuntun ilittunga hapkua qaumayun attaanni. Qalrurtunga tahaffumunga imaatun uqarhunga uvanga hamaniittunga. Akhaliat tapkua numirtutun aulayut. Niqura kivirhugu mur’ruurtunga nipiqquqtuyumik. Mu’r’ruurtunga ilihimmagapku hamna nuna pinnirtuq aimavirigapku. Mur’ruurtunga quviakkutirkun hamna nuna aimaviriyumagapku.
A Poem by Cliff Tuyishime
Ublaami tupakpartutin ilitturiplutin Hiqiniq nuiyuittuq Ilaanittun. Apiriyattin angayuqqaatin argitirquplutin Kihimi akhaluutip uunaqutaa ilingitaat puirugamikku unnuaq. Ahiit pihurtuhauyutin. Ilaanittun. Pihurtillutin iyikkin uivallaalimaittun. Anuri patirtitartuq annurangni qammarkinlu apititartun. Qiqautillaanga 30mut ittuq kihimik anuri 40mut tikittuq. Ilaanittun. Iliharvingmun tikilihaartutin qiqitirnahugiplutin tar’riyaun takuhartan qiqitiginnavin qin/ngan kakkiiyartan 16nik. Illanittun. Hiqiniq nuilihaartuq kihittidjutinik havartillutin. Nutqallarvirhaq tikinman itpartut iglup iluani. Ilaanittun. Kinngullingmik hivayarpuq ublumi annarputin pihuriangni aiyaunahuarlirhutin puiguittailiplutin. Ilaanittun. Ublaamin anuri qukitqiyaulirtuq kihimi aputiqainnartuk kamikkit. Ilaanittun. Aiyauplutin tikitputin ikhivautarmun ingitputin apirhiyutin 1000nik huuq hamna aiviga? Kiunia aulayuittuq Ilaa ahini inuulimainnavin Ilaa hamna aimavirirangni Ilaa ukiurtartuq nunarigangni.
